Дзяржаўны камітэт па навуцы і тэхналогіях Рэспублікі Беларусь пры ўдзеле Міністэрства адукацыі, Нацыянальнай акадэміі навук Беларусі, грамадскага аб'яднання «Беларускі рэспубліканскі саюз моладзі» і іншых зацікаўленых арганізацый праводзіць 12-ы штогадовы Рэспубліканскі конкурс інавацыйных праектаў.
Конкурс праводзіцца з мэтай стымулявання рэалізацыі перспектыўных інавацыйных праектаў, садзейнічання ў пошуку інвестыцыйнай падтрымкі інавацыйных праектаў, стварэння сістэмы па выяўленні і прасоўванні маладых, таленавітых спецыялістаў, камерцыялізацыі інавацыйных праектаў. У рамках конкурсу разглядаюцца сацыяльна значныя інавацыйныя праекты розных стадый рэалізацыі са стратэгіяй камерцыялізацыі, адпаведныя прыярытэтным напрамкам навуковай, навукова-тэхнічнай і інавацыйнай дзейнасці.
Конкурс праводзіцца па намінацыях «Лепшы інавацыйны праект» і «Лепшы маладзёжны інавацыйны праект». Удзельнікамі конкурсу могуць быць юрыдычныя і фізічныя асобы. Удзельнікамі конкурсу ў намінацыі «Лепшы маладзёжны інавацыйны праект» могуць быць фізічныя асобы, узрост якіх не перавышае 35 гадоў.
Удзельнікі конкурсу самастойна выбіраюць, да якой намінацыі адносіцца прадстаўлены імі інавацыйны праект.
Па выніках разгляду і абароны інавацыйных праектаў савет конкурсу вызначае пераможцаў і прызёраў. У кожнай намінацыі ўсталёўваюцца адзін пераможца і пяць прызёраў, з іх два ўдзельнікі, якія занялі другое месца, і тры - якія занялі трэцяе месца.
Пераможцам і прызёрам конкурсу ўручаюцца дыпломы і прэміі:
за першае месца - 86 базавых велічынь (2.494,00 рубля);
за другое месца -57 базавых велічынь (1653,00рубля);
за трэцяе месца - 29 базавых велічынь (841,00рубль).
Сярод пераможцаў і прызёраў савет конкурсу адбірае праекты для далейшай камерцыялізацыі іх вынікаў, якія атрымаюць сертыфікат на атрыманне грашовых сродкаў у памеры 571 базавай велічыні (16559,00 рублёў).
Просім азнаёміцца з Палажэннем аб рэспубліканскім конкурсе інавацыйных праектаў і формамі конкурснай дакументацыі на сайце конкурсу ( http://konkurs.belinfund.by/ ).
Для ўдзелу ў конкурсе неабходна прайсці абавязковую рэгістрацыю на сайце конкурсу, запоўніць устаноўленыя арганізатарамі формы (заяўку, пашпарт і бізнес-план інавацыйнага праекта або тэхніка-эканамічнае абгрунтаванне), накіраваць у друкаваным выглядзе камплект конкурсных дакументаў у адрас Беларускага інавацыйнага фонду: 220072, г. Мінск, пр-т Незалежнасці, 68-2, каб. 103. Кантактны тэлефон +375 17 270 84 29, e-mail: rkip@tut.by .
Прыём заявак і папярэдні адбор праектаў - да 30 мая 2021 г.
У мэтах падрыхтоўкі ўдзельнікаў конкурсу да разгляду і абароне інавацыйных праектаў будуць праведзены семінар-трэнінгі з прыцягненнем вядучых беларускіх спецыялістаў па інавацыйнай і венчурнай дзейнасці, бізнес-планаванню.
Запрашаем спецыялістаў Вашых арганізацый прыняць удзел у конкурсе.